Нұриддин Аманқұл 1986 жылы Таразда дүниеге келген. Ол К.Сағадиев атындағы Халықаралық бизнес университетін «Экономика» мамандығы бойынша бітіріп, экономика ғылымдарының магистрі дәрежесін алған.
Еңбек жолын 2007 жылы Халықаралық саясат институтында сарапшы болып бастаған. Кейін мемлекеттік және халықаралық инвестициялық-қаржылық құрылымдарда қызмет атқарған.
2012-2018 жылдары «KAZNEX INVEST» ұлттық экспорт және инвестиция агенттігінде департамент директоры және басқарушы директор, сондай-ақ Стамбұлдағы инвестициялық өкіл қызметтерін атқарған. 2018–2023 жылдары Қазақстан Сыртқы істер министрлігі Инвестициялар комитетінің шетелдік инвестицияларды тарту басқармасын басқарған және Түркиядағы Қазақстан елшілігінде бірінші хатшы және кеңесші болып қызмет еткен.
2023 жылдың маусымынан жаңа тағайындауға дейін Аманқұл Қазақстанның Стамбұлдағы бас консулы қызметін атқарған.
Облыс әкімі Мұрат Ергешбаев жаңа орынбасарға өңірдің кәсіпкерлік, туризм және аграрлық секторын дамытумен айналысуды тапсырған.