Ақмола облысында күндіз батыс пен оңтүстікте термометр бағаны 40–41 градусқа дейін көтеріледі. Ақтөбе облысында жаңбыр, найзағай, бұршақ және дауыл болады деп болжануда, солтүстік пен батыста түнде кей жерлерде қатты жаңбыр, ал күндіз ыстық 35–36 градусқа жетеді.
Алматы облысының оңтүстігінде найзағайлы аздаған жаңбыр жауады, жел 15–20 м/с дейін күшейеді, күндізгі температура 35–36 градус болады. Қызылорда облысының орталығы мен шығысында шаңды дауыл, 40–42 градусқа дейін ыстық күтіледі және төтенше өрт қаупі сақталады.
Жамбыл облысында таулы аудандарда найзағайлы қысқа мерзімді жаңбыр болуы мүмкін, күндіз облыс бойынша 38 градусқа дейін ыстық. Қостанай облысының оңтүстігі 40–41 градусқа дейін қызады, ал батысы мен солтүстігінде найзағайлы жаңбыр жауады.
Түркістан облысы 40–41 градусқа дейін қызады, таулы аудандарда жел 15–20 м/с дейін күшейеді. Солтүстік Қазақстан облысының батысында күндіз 40–41 градусқа дейін ыстық, түнде және таңертең кей жерлерде тұман түседі.
Қарағанды облысында жел 15 м/с дейін күшейеді, солтүстік пен батыста төтенше өрт қаупі сақталады. Ұлытау облысы 35–37 градусқа дейін қызады.
Маңғыстау облысының солтүстігінде бұршақты қатты жаңбыр жауады, күндізгі температура 38–42 градус. Атырау облысында найзағай, бұршақ және дауылды жел болады, оңтүстігінде төтенше өрт қаупі сақталады.
Шығыс Қазақстан облысында жаңбыр, найзағай, бұршақ және дауыл күтіледі, күндіз желдің екпіні 23–28 м/с дейін жетеді. Павлодар облысының оңтүстік-шығысында төтенше өрт қаупі сақталады.
Абай облысының оңтүстігі 35 градусқа дейін қызады, найзағай, бұршақ және дауылды жел болады, жел 23–28 м/с дейін күшейеді. Батыс Қазақстан облысында найзағайлы жаңбыр және дауыл болады, күндізгі температура 35–36 градус.
Жетісу облысында тауларда найзағайлы қысқа мерзімді жаңбыр жауады, күндіз 35–36 градус, солтүстік, шығыс және оңтүстікте төтенше өрт қаупі сақталады.