Бұзушылықтардың жалпы санынан 588-і еңбек қатынастарына, 23-і еңбек қауіпсіздігі және еңбекті қорғау талаптарына, ал үшеуі халықты жұмыспен қамту туралы заңнамаға қатысты.
Тексерулер нәтижесінде инспекторлар 389 нұсқама берді. Бүгінгі күні олардың 266-сы орындалды. 309 заңды және жеке тұлға әкімшілік жауапкершілікке тартылды. Айыппұлдардың жалпы сомасы 63,9 млн теңгені құрады, оның ішінде 37,7 млн теңге өндірілді.
Өндірістік жарақаттану
Жарты жылда қалада өндірісте 51 жазатайым оқиға тіркелді. 51 жұмысшы зардап шекті: 27 адам ауыр жарақат алды, 21-і жеңіл жарақат алды.
Жалақы бойынша берешек
Жыл басынан бері Алматыдағы 53 кәсіпорында 59,4 млн теңге сомасындағы жалақы бойынша қарыздар өтелді. 105 жұмысшының құқықтары қалпына келтірілді. Бұл ретте төрт кәсіпорында 73 жұмысшы алдында 97,3 млн теңге берешек сақталуда.
Еңбек шарттарын есепке алудың бірыңғай жүйесі
Жұмыс берушілер еңбек шарттары туралы мәліметтерді Еңбек шарттарын есепке алудың бірыңғай жүйесіне енгізуге міндетті. «Еңбек ресурстарын дамыту орталығы» АҚ деректері бойынша, Алматыдағы 73 592 жұмысшы туралы мәліметтер жүйеге әлі енгізілмеген.
2026 жылғы 12 наурыздан бастап деректерді уақтылы немесе толық енгізбегені, сондай-ақ анық емес ақпарат бергені үшін айыппұлдар қарастырылған: лауазымды тұлғалар үшін 30 АЕК, шағын бизнес және коммерциялық емес ұйымдар үшін 60 АЕК, орта кәсіпкерлік үшін 80 АЕК және ірі бизнес үшін 150 АЕК.