Тергеу нұсқасы бойынша, ерлі-зайыптылар мен олардың қызы бес жыл бойы балалар үйінен алынған ұл-қыздарды шаруашылық жұмыстарын атқаруға, малға күтім жасауға мәжбүрлеген, оларды ұрып-соққан, қорлаған және аштыққа ұшыратқан. Балаларды ең кішкентай бағынбаушылық үшін жазалаған, көң араласқан нан жеуге және ит үйінде ұйықтауға мәжбүрлеген, қайнаған сумен және қыздырылған кочергамен күйдірген.
Зардап шеккендердің бірінің денесінен дәрігерлер 19 тыртық тапқан, екіншісінен — 47 тыртық. Сотта бір бала өзін кілемге орап, үстіне секіргенін, нәтижесінде есінен танып қалғанын айтты. Осыдан кейін балаға басынан операция жасалған және ол мүгедектік алған.
Прокурор кәмелетке толмағандардың айғақтары сот-психологиялық сараптаманың қорытындыларымен расталатынын мәлімдеді. Сарапшылар баланы отбасына бергенге дейін психологиялық бұзылулар болмағанын, ал болған оқиғадан кейін психикалық ауру пайда болғанын анықтады.
Қорғау тарапынан куәгер балалардың бірі патронаттық отбасына түскенге дейін денсаулығында проблемалар болғанын айтты. Қорғау тарапы тергеу барысындағы кемшіліктерді де көрсетті, ал отбасының басшысы кінәсін мойындамады және құқық қорғау органдары тарапынан қысым болғанын мәлімдеді.
Сот Аян Исабаевті кінәлі деп танып, оған орташа қауіпсіздік мекемесінде 12 жыл бас бостандығынан айыру жазасын тағайындады. Әлия Исабаеваға 10 жыл, ал Наурайым Исабаеваға 4 жыл 8 ай жаза тағайындалды. Үшөуі де сот залында қамауға алынды. Сонымен қатар сот әрбір зардап шеккенге 10 млн теңге моральдық зиянды өтеу туралы талапты қанағаттандырды. Үкім әлі заңды күшіне енген жоқ, қорғау тарапы апелляциялық шағым бермек.