Акмола облысында «Оқитын ұлт» жобасын іске асыру бойынша ынтымақтастық туралы меморандумға қол қойылды. Қатысушылар Reading-nation.kz порталына тіркеліп, бекітілген тізімнен алты ай ішінде 15 кітап оқуы тиіс.
Оқып болған соң онлайн-тестілеу өтеді. Жоба 20 өңірді және екі миллионнан астам адамды қамтиды. Онда оқушылар, педагогтар, студенттер, отбасылар, спортшылар және мемлекеттік қызметшілер үшін бағыттар қарастырылған.
Әдебиет тізімі қазақ әдебиетінің туындыларын, әлемдік классиканы және тұлғалық дамуға арналған кітаптарды қамтиды. Әр санат үшін 15 кітаптан тұратын жеке тізім жасалады.
Әр бағыттың жеңімпаздары ақшалай сыйлықтар алады: үшінші орын — 300 мың теңге, екінші орын — 450 мың, бірінші орын — 600 мың теңге. Жалпы жүлде қоры 29,7 млн теңгені құрайды.
Тіркеу 2026 жылдың тамыз–қыркүйек айларында басталады. Оқу 2026 жылдың қыркүйегінен 2027 жылдың наурызына дейін жалғасады, тестілеу және квиздер наурыз–сәуір айларында өтеді, ал марапаттау 2027 жылдың сәуірінде болады.