Бокс мұражайы аумағында «Ringside Talks» ашық кездесуі өтті. Жанкүйерлер қазақстандық боксшының мансабындағы оқиғаларды тыңдап, сұрақтар қойып, автографтар алды.
Екінші кездесу Canastota High School орта мектебінде өтті. Онда тілек білдірушілер сувенирлер сатып алып, Головкиннің қолтаңбасын ала алды. Кезек бүкіл павильонға созылды.
Боксшының өзі тарихи оқиғаның алдында қандай сезімде екенін айтты. Ол индукцияны әлемдік бокс қауымдастығының мақтанышы және мойындауы деп атады, Мұхаммед Әли мен Майк Тайсонмен бір пьедесталда тұрғанын атап өтті. Оның сөзінше, ол бокспен 35 жылдан астам айналысады.
Жанкүйерлер АҚШ-тың әртүрлі қалаларынан келген. Чикагодан келген Эрик пен Остин Головкиннің мансабын Нью-Йорктегі дебютінен бері қадағалап келеді. Эрик болашақ әйелімен Қазақстаннан танысқанын айтып, енді өзін «GGG сияқты қазақпын» деп әзілдеді.
Басқа жанкүйерлер — Алан Фредерик пен Билл — да арнайы автограф алу үшін келген. Олар Головкинді соңғы жиырма жылдағы ең үздік боксшылардың бірі деп атады және ол Даңқ залына лайық орын алғанын атап өтті.
Геннадий Головкиннің Халықаралық бокс даңқы залына енгізілуінің ресми салтанаты 14 маусымда өтеді.