Қазақстан мен Еуропалық одақ құжаттарға қол қою үшін қажетті ішкі рәсімдерге көшті. Қазақстанда олар ұлттық деңгейде өткізіледі, ал еуропалық тарап Шенген кеңістігі шеңберінде барлық мемлекеттермен жүргізеді.
СІМ өкілі Жетібaевтің айтуынша, келісімдер осы рәсімдер аяқталған соң қол қойылады. Жаңа ақпарат пайда болған кезде, ведомство ресми мәлімдеме жасайды.
Келісімдердің бірі Шенген визаларын алу процесін жеңілдетуге тиіс: консулдық алымды азайту, көп реттік визалар беру және өтініштерді қарау мерзімдерін қысқарту жоспарлануда. Нақты шарттар қол қойылғаннан кейін белгілі болады.
Бұған дейін Қазақстан Президенті Еуропалық кеңес президенті Антониу Кошта және Еурокомиссия президенті Урсула фон дер Ляйенмен бірге сарапшылар деңгейіндегі келіссөздердің аяқталуын құптады.